February 4, 2023

Kwitana ba mwana no kubura ubushake bwa politike mu gekemura ibibazo, ku isonga ry’ibisunikira Congo mu manga!

Kuwa Kabiri w’iki cyumweru, Perezida wa Repubulika iharanira Demokarasi ya Congo, Félix Tshisekedi, yamaze iminota irenga 30 ashinja u Rwanda ibirego bimaze kuba indirimbo ishaje ko “ruhungabanya umutekano” w’igihugu cye.

Uyu mugabo yavuze ibyo anongeraho ko umutwe w’iterabwoba wa FDLR “utakibaho” ubwo yagezaga ijambo ku bitabiriye inteko rusange ya 77 y’Umuryango w’Abibumbye ikomeje kubera i New York muri Leta zunze ubumwe za Amerika.

Perezida Kagame nawe wagejeje ijambo kuri iyi nteko kuwa Gatatu tariki ya 21 Nzeli 2022, mu bushishozi asanganywe yagaragaje ko gukomeza kwitana ba mwana bitakemura ikibazo muzi cy’umutekano muke muri Congo, ahubwo ko hakenewe ubushake bwa politiki.

Nyuma y’amasaha macye Perezida Kagame avuze ibyo yahuriye mu nama na Tshisekedi yarimo na Perezida w’Ubufaransa, Emmanuel Macron, gusa igitangaje ni uko uyu mutegetsi wa Congo yibukijwe ibyo ahora abwirwa byatuma igihugu cye gica ukubiri n’ibibazo by’umutekano mucye byabaye akarande.

Nk’uko bigaragara mu itangazo ry’ibyavugiwe muri iriya nama ryashyizwe ahagaragara n’ibiro bya Perezida Macron, Tshisekedi yongeye kwibutswa imana yagiriwe mu bihe bitandukanye ariko ikinangira mu kuzishyira mu bikorwa.

Muri izo nama harimo kubahiriza imyanzuro iri mu masezerano yasinyiwe i Luanda muri Angola ndetse n’imyanzuro y’andi masezerano yasinyiwe i Nairobi muri Kenya aho Congo iba isabwa kuganira n’umutwe wa M23 cyane ko ari uw’Abanyekongo.

Ikindi ni uko Tshisekedi na Leta ye basabwa kurandura burundu imitwe y’itwaje intwaro ikorera mu burasirazuba bwa Congo harimo na FDLR mu gihe uyu mutegetsi we yari amaze iminsi ayobya uburari avuga ko uyu mutwe “utakibaho”.

Igisubizo ku bibazo by’umutekano mucye byugarije Congo kiri mu biganza by’abategetsi bayo nk’uko badasiba kubibwirwa.

Mugenzi Félix

Leave a Reply

%d bloggers like this: