November 28, 2022

Umuhezanguni Ntwali Williams yongeye gukoresha umubyeyi wa “Cyuma Hassan” mu  icengezamatwara ridafite epfo na ruguru

Umuhezanguni Ntwali John Williams wiyita umunyamakuru,  yatangije irindi icengezamatwara ko Niyonsenga Dieudone  uzwi nka Cyuma Hassan “abayeho nabi” muri gereza afungiwemo.

Ni igihuha uyu muhezanguni ari gukwirakwiza yifashishije umuryango wa Niyonsenga by’umwihariko se umubyara witwa Premien Rukebesha; ibintu n’ubundi Ntwali yakoze umwaka ushize ariko ntibyamuhira.

Icyo gihe Niyonsenga yari akiburana mu mizi maze ubuhezanguni Ntwali yihererana papa w’uyu mugororwa amuhatira n’ubundi kuvuga ko umwana we “afunzwe nabi”, ibintu uyu mubyeyi yagerageje kuvuguruza ariko Ntwali akajya amutegeka ibyo avuga.

Kuri iyi nshuro mu kiganiro uyu muhezanguni yatambukije ku muzindaro we wa YouTube nabwo nta tandukaniro rigaragara cyane kuko yategetse uriya mubyeyi kuvuga ko umwana we “asigaye yimwa amafunguro.”

Ni mu gihe ariko uyu mubyeyi yihishuye ko umwana we atigeze amwibwirira ko koko yimwa amafunguro, akaba ahubwo yumvikanye avuga ko  abibwirwa n’inshuti za Niyonsenga.

Iyo mvugo  yumvikanisha ko uyu mubyeyi ntabyo azi cyangwa se yiboneye n’amaso ye.

Ni mu gihe ku rundi ruhande na Rashid Hakuzwimana ufungannywe na Cyuma yigeze kubazwa ikibazo cy’imibereho, akavuga ko babayeho neza, abahoraga babihakana bagakwirwa imishwaro.

Ntibitangaje rero kuba Ntwali ari we wongeye gukwirakwiza iki kinyoma yihishe mu mutaka wo kuvugira umugororwa kubera gahunda ibigarasha, interahamwe n’abajenosideri bamazemo iminsi, wo guhora basimbukira kuri buri kintu cyose cyerekeye u Rwanda cyane ko bakorana bya hafi na hafi mu guhora bashaka icyasubiza igihugu inyuma.

Umuryango wa Cyuma ukwiye kuba maso ntukomeze kugwa mu mutego w’abantu nka Ntwali.

Ellen Kampire

Leave a Reply

%d bloggers like this: