December 7, 2022

Ikihishe inyuma yo kuba Jambo ASBLna FDU-Inkingi bakomeje gucuruza ikinyoma

Kuva mu mpera z’ukwezi gushize ku mbuga nkoranyambaga hakomeje kuzengurutswa icengezamatwara ryacuzwe n’interahamwe, abajenosideri ndetse n’ababakomokaho bose bihishe hirya no hino ku Isi ko mu Rwanda ngo habaye ‘jenoside yakorewe Abahutu’.

Mu mateka y’u Rwanda ndetse n’ay’ibiyaga bigari muri rusange, nta kintu kimeze nk’iyo ‘jenoside’ kigeze kibaho. Jenoside yabayeho ni iyakorewe Abatutsi  muri 1994 nk’uko byanemejwe n’Umuryango w’Abibumbye.

Iyo ‘jenoside’ ihora mu kanwa k’interahamwe, abajenosideri ndetse n’ababakomokaho ni igihuha bacuruza mu rwego rwo kuyobya uburare ku ruhare rukomeye bagize muri Jenoside yakorewe Abatutsi mu 1994.

Iyo akaba ari nayo mpamvu nyamukuru abo baruharwa birirwa bihishahisha mu mahanga aho badashobora gukandagiza ikirenge mu rwababyaye kabone n’ubwo abenshi bahafite ababyeyi, inshuti n’abavandimwe.

Abadasiba gucuruza icyo kinyoma biganjemo urubyiruko ruvuka ku bajenosideri ruharwa batorokeye ubutabera i Burayi aho bamwe muri abo bajenosideri ubu bamaze gupfa mu gihe abandi bakomeje kwihishahisha. Urwo rubyiruko rubarizwa mu gatsiko kazwi nka Jambo ASBL.

Ako gatsiko kagamije guhakana no gupfobya Jenoside yakorewe Abatutsi muri 1994 no guhishira uruhare ba se na ba nyina bagize muri iyi Jenoside yatwaye ubuzima bw’inzirakarengane zirenga miliyoni mu misi ijana gusa.

Gustave Mbonyomutwa na Ruhumuza Mbonyumutwa, bene Shingiro Mbonyumutwa uherutse gupfa yarahamijwe ibyaha bya Jenoside bakaba kandi abuzukuru ba Dominiko  Mbonyumutwa uri mu bashinze MDR Parmehutu, ni bamwe mu basizoye mu kwamamaza iriya “jenoside y’abahutu” itarigeze ibaho.

Aba bene Mbonyumutwa kimwe na bagenzi babo bahuriye muri kariya gatsiko nta kindi bashobora kuvuga kitari ugutagatifuza ababyeyi babo mu gihe bisanzwe bizwi ko abo babyeyi ari ba ruharwa.

Mu bandi bakomeje gukwiza icyo gihuha harimo kandi abahezanguni bo mu ngirwashyaka ya FDU-Inkingi ibarizwa mu kwaha kw’umutwe w’iterabwoba wa FDLR ugizwe n’abajenosideri ruharwa bamaze imyaka 28 mu mashyama ya Congo.

Iyi FDU iyoborwa mu buryo buziguye n’umuhezanguni Victoire Ingabire ufite nyina wahunze ubutabera aho muri 2009 Inkiko Gacaca zamukatiye igifungo cya burundu nyuma yo kumuhamya iyicarubozo yakoreraga Abatutsikazi bajyaga kwivuriza ku Kigo Nderabuzima cya Butamwa yakoreraga.

Rwalinda Pierre Celestin ni undi muhezanguni wasizoye mu kwamamaza iriya ngirwa-jenoside y’abahutu, uyu nawe aba mu gatsiko ka FDU-Inkingi aho avoma ingengabitekerezo ya Hutu-Power mu muryango yashatsemo w’abateguye banashyira mu bikorwa Jenoside yakorewe Abatutsi.

By’umwihariko umugore w’uyu Rwalinda ni umwana wa Ruzinge, interahamwe kabombo yamaze Abatutsi muri yari amakomine ya Gatonde na Janja (ubu ni mu Karere ka Gakenke), akaba kandi yari umwizerwa w’ ubutegetsi bw’umunyagitugu Habyarimana.

Sebatware Marcel alias “gahoro’’ ni undi mwambari wa FDU-Inkingi nawe uri gukwirakwiza kiriya gihugu, gusa uyu we abifitemo inyungu z’umwihariko cyane ko azwiho kuba yaragize uruhare mu iyicwa ry’abatutsi mu ruganda rwa CIMERWA i Bugarama, aho yanahamijwe ibyaha n’Inkiko Gacaca.

Jenoside irategurwa, aba bahezanguni iyo bavuga ikinyoma cya “jenoside yakorewe abahutu” ntibavuga uburyo yateguwe ndetse n’uburyo yahagaritswemo cyangwa uko yahagaritswe.

Icyo birengagiza nuko kwirirwa mu mihanda y’i Buruseri bigaragambya bidateze gutuma ikinyoma cyabo gifata. Ikindi guhakana no gupfobya Jenoside n’ibyaha bihanwa n’amtegeko, ibyo bigira byose bazagezwa imbere y’ubutabera.

Umulisa Carol

Leave a Reply

%d bloggers like this: