December 7, 2022

Nyarwaya Dick “Abdul Karim” wa RNC ameze nk’ikirondwe cyumiye ku ruhu inka yarariwe kera!

Nyarwaya Dick wiyita Ali Abdul Karim akomeje guta ibitabapfu ku mbuga nkoranyambaga agerageza kubeshya rubaka ko umutwe w’iterabwoba wa RNC abereye umwambari ukiriho kandi mu by’ukuri usigaye ku izina gusa.

Uyu muhezanguni wiririrwa asebya ubuyobozi bw’u Rwanda ku mbuga nkoranyambaga no mu biganiro akunze gukorera ku muzindaro rutwitsi wa RNC ni inshuti y’akadasohoka y’ikihebe Kayumba Nyamwasa.

Ni mu gihe icyo kihebe ari nacyo giha uyu Nyarwaya amabwiriza ku byo avugira kuri YouTube n’ibyo yandika ku mbuga nkoranyambaga nka Twitter na Facebook nk’uko byemezwa n’abazi neza aba bombi.

Umuhezanguni Nyarwaya yiyita amazina nk’ay’intorezo mu rwego rwo kwiyoberanya cyane ko ubusanzwe ahorana ubwoba bukomeye bitewe n’ibikorwa by’iterabwoba yijanditsemo.

Abakoranye na we muri RNC bavuga guhakwa cyane no kwigira umuteruzi w’ibibindi kwa Kayumba ari byo byatumye azamuka mu ntera aho amaze gushingwa  imirimo myinshi itandukanye muri uyu mutwe uyu mutwe w’iterabwoba.

Muri iyo mirimo harimo ubukangurambaga, itangazamakuru n’ibindi aho magingo yagizwe “umuhuzabikorwa wa gatatu wungirije” w’uyu mutwe usigaye gusa ku izina.

Abamuzi banaturanye mu Bwongerezabemeza ko uretse kuvugira ku muzindaro wa YouTube wa RNC ubundi atunzwe n’udufaranga ahabwa n’ikigega cya Leta y’Ubwongera gifasha ababana n’ubumuga.

Uyu muhezanguni kandi hari utundi dufaranga akura mu mashyirahamwe y’ababana n’ubwandu bwa SIDA cyane ko ubuzima bwe buri mu marembera; ibintu bishimangirwa no kwanduranya bimuranga.

Ikindi gitunze iyi nzererezi y’umugabo ni ubujura bushukana akorana na sebuja Kayumba aho birirwa mu bukangurambaga bwo gukusanya udufaranga mu bigarasha, utwo babonye duke bakatugabana.

RNC Nyarwaya yirirwa ashimagiza igiye kumara imyaka 12 ishinzwe gusa iyo myaka yose yabaye imfasa cyane ko intego yo “guhirika ubuyobozi bw’u Rwanda” abayishinze bari bihaye batayigezeho ndetse bakaba badashobora kuyigeraho.

Uyu mutwe w’iterabwoba kandi kuva mu ntangiriro z’uyu mwaka wabuze ayo acira n’ayo umira nyuma y’uko ubufasha bwose yavanaga muri Uganda buhagaritswe ndetse n’abambari b’uyu mutwe batangira gutabwa muri yombi umusubirizo.

Ibyo byakurikiwe n’uko umujyanama wa Perezida Museveni mu by’umutekano yihanangirije ikihebe Kayumba kudahirahira yongera gutekereza gukoresha Uganda mu bikorwa byo guhungabanya umutekano w’u Rwanda.

Nyarwaya n’abandi bagitsimbaraye kuri RNC bashatse bava ku izima kuko uwatsinze uyu mutwe ntaho yagiye kandi imbaraga zibahashya ziyongera umunsi ku wundi.

Mugenzi Félix

Leave a Reply

%d bloggers like this: