December 7, 2022

Wa mudepite wavuzweho gutwara imodoka yasinze bikabije yeguye!

Dr. Mbonimana Gamariel, Umudepite uherutse kuvugwaho na Perezida Kagame ko yafashwe atwaye imodoka yasinze, yamaze gushyikiriza Inteko Ishinga Amategeko ibaruwa y’ubwegure bwe.

Amakuru y’ubwengure bwa Mbonimana yamenyekanye mu gitondo cyo kuri uyu wa Mbere tariki 14 Ugushyingo 2022 ahamijwe na nyirubwite ndetse na  Visi Perezida w’Inteko Ishinga Amategeko, Umutwe w’Abadepite, Sheikh Musa Fazil Harerimana wabwiye itangazamakuru ko uyu mugabo yanditse avuga ko yeguye “kubera impamvu ze bwite”.

Ku wa Gatanu tariki 11 Ugushyingo 2022 nibwo Depite Mbonimana yafashwe atwaye imodoka yasinze. Bukeye bwaho, Perezida Kagame yatangarije abari bitabiriye ihuriro rya Unity Club Intwararumiri, ko uwo mudepite yafashwe inshuro nyinshi yasinze, ariko kubera ubudahangarwa ahabwa n’amategeko, atigeze akurikiranwa.

Kwegura kw’uyu muyobozi ni ikimenyetso cy’uko nta muntu uri hejuru y’amategeko aho by’umwihariko abayobozi babazwa inshingano nk’amwe mu mahitamo u Rwanda rushyize imbere mu rwego rwo kwihutisha iterambere ridaheza.

Hirya yo kubazwa inshingano andi mahitamo ni ugutekereza byimbitse ndetse no kunga ubumwe.

Ubwanditsi

Leave a Reply

%d bloggers like this: