February 4, 2023

UNHCR yatamaje ubutegetsi bwa Tshisekedi ku kibazo cy’impunzi ziri mu Rwanda

Ishami ry’Umuryango w’Abibumbye ryita ku Mpunzi (UNHCR) ryatangaje ko abanyekongo barenga ibihumbi bitatu bamaze guhungira mu Rwanda mu kuva mu byumweru bishize.

Ibi bitangajwe nyuma y’aho ubutegetsi bwa Congo bwihandagaje bukavuga ko “nta munyekongo wahungira mu Rwanda” kuko ngo u Rwanda ari “gereza”.

Ni amagambo yababaje bikomeye impunzi yaba iziri mu Rwanda ndetse n’izindi zicumbitse mu bihugu byo mu karere ku buryo magingo aya zikomeje kwandikira imiryango mpuzamahaga zisaba ko leta yazo yazicyura.

Binyuze kuri Twitter UNHCR yahamije ko ku bufatanye na leta y’u Rwanda batangiye gushakira ibikoresho by’ibanze n’aho gutura ziriya mpunzi zirimo kuza umunsi ku wundi mu Rwanda; ibi akaba ari igihamya ko ubutegetsi bwa Tshisekedi ibyo buvuga ari icengezamatwara rigamije guhisha ukuri ku kibazo cy’impunzi ziri mu Rwanda.

Mu Rwanda harabarwa impunzi z’abanyekongo zirenga ibihumbi 80 zicumbikwe mu nkambi ziri hirya no hino mu gihugu.

Izi mpunzi ziganjemo abavuga ikinyarwanda bo mu bwoko bw’Abatutsi aho bahunga ubwicanyi bakorerwa n’ingabo z’igihugu (FARDC) zifatanyije n’umutwe w’iterabwoba wa FDLR.

Mugenzi Félix

Leave a Reply

%d bloggers like this: