Manchester United yegukanye igikombe nyuma y’imyaka 6 itazi uko gisa!
Manchester United ku mugoroba wo kuri iki Cyumweru tariki ya 26 Gashyantare 2023, yegukanye igikombe cya “Calabao Cup” itsinze Newcastle ibitego 2 – 0, kiba igikombe cya mbere itwaye mu myaka itandatu ishize.
Ni umukino wabereye kuri Sitade ya Wembley, mbere yo kugera ku mu kino wa nyuma w’iki gikombe Manchester United yari yakuyemo Nottingham Forest naho Newcastle ikuramo Southampton.
Ibitego bya Manchester United byatsinzwe mu gice cya mbere aho byinjijwe na Casemiro ndetse na Marcus Rashford.
Ku rundi ruhande, Manchester iracyafite amahirwe yo kwegukana ibindi bikombe bitatu harimo icya FA Cup, Europa League n’icya shampiyona y’u Bwongereza (Premier League).
Liverpool niyo imaze gutwara iki gikombe cya Carabao cup inshuro nyinshi (icyenda), Manchester City yagitwaye inshuro 8 naho Manchester united imaze kugitwara inshuro 6.
Karemera Jean Luc
About Author
