02-06-2023

Iterambere ry’u Rwanda rikomeje kurwaza muzunga abambari b’agatsiko ka FDU-Inkingi!

Abambari ba FDU-Inkingi, umutwe w’abajenosideri bihishe hirya no hino i Burayo aho bikinga mu mutaka wo kwiyita “ishyaka” ariko ritemewe ahantu na hamwe ku Isi, bakinnye ikinamico zitagira ingano ndetse bavuza induru bagamije gusiga icyasha u Rwanda gusa kuri iyi nshuro basaraye.

Umumotsi w’uyu mutwe, Musabyimana Gaspard, akomeje kwiha amenyo y’abasetsi kubera ubujiji bwamwokamye ndetse no kuba akomeza kugaragaza urwango afite Abanyarwanda n’ubuyobozi bitoreye burangajwe imbere na Perezida Paul Kagame.

Nk’urugero, uyu Musabyimana abinyujije ku umuzindaro rutwitsi w’uyu mutwe, aherutse kumvikana avuga ku bayobozi ba FIFA ndetse arihandagaza abeshya ko amafaranga bazatanga nk’ inkunga muri ruhago y’u Rwanda “atazajya aho yagenewe” ahubwo ”azikubirwa n’abayobozi bakuru b’igihugu.’’

Gusa iyi mvugo nta kindi igamije kitari ukuyobya uburari ku keso k’ipfunwe FDU-Inkingi yikoreye cyane ko aka gatsiko karwanyije inama mpuzamahanga u Rwanda rwakiriye zirimo na CHOGM, kubona rero inteko rusange ya 73 ya FIFA ibera mu Rwanda ndetse Perezida Kagame agahererwamo igikombe gikomeye ku Isi byabaye nk’ icumu batewe mu rubavu.

Uyu mutwe uyobowe n’umuhezanguni Victoire Ingabire, ukunze kugaragara mu bikorwa bigamije guhungabanya umutekano w’u Rwanda ndetse bakorana bya hafi n’umutwe w’iterabwoba wa FDLR, ngo mu bwenge bwabo bucye bizeye ko uzakuraho ubuyobozi abanyarwanda bitoreye, ukabashyira ku butegetsi!

Icyo izi nyangabirama zikwiye kumenya ni uko imigambi mibisha yazo itazigera izihira na rimwe.

Umulisa Carol

Leave a Reply

%d bloggers like this: