Amerika ikwiye guhagarika gukingira ikibaba ibyihebe bya FDLR

Mu itangazo ryasohowe n’umuvugizi w’ibiro by’umunyamabanga wa Leta ushinzwe ububanyi n’amahanga muri Leta zunze ubumwe za Amerika, Matthew Miller, mu mpera z’icyumweru gishize yagaragarije Isi ko Amerika ikomeje kwirengangiza ko ubufatanye hagati y’ubutegetsi bwa Tshisekedi n’umutwe w’iterabwoba wa FDLR ari bwo nyirabayaza w’ibebera mu karere.

Muri iryo tangazo Miller, yirengagije ko ubutegetsi bwa Tshisekedi aribwo bukomeje gutiza umurindi ibikorwa by’ ubwicanyi byibasira Abanyekongo bo mu bwoko bw’ abatutsi bikozwe na FDLR.

FDLR ubusanzwe ikorana n’igisirikare cya Congo (FARDC) ndetse n’ indi mitwe yica Abanye-Congo b’Abatutsi bo mu ntara ya Kivu y’Amajyaruguru, yikinze mu mutaka wo kurwanya umutwe wa M23. Urugero, mu mpera z’ umwaka ushize FDLR yigabye mu baturage ba teritwari ya Rutshuru maze yica abasivili abarenga 10 ndetse isahura n’ibyabo.

Iri yicwa n’itotezwa rikorerwa Abatutsi muri Congo bikozwe n’ ubufatanye bw’ubutegetsi bwa Tshisekedi na FDLR bukomeje gukaza ikibazo cy’ ubuhunzi mu karere.

Urugero rwa hafi ni uko imibare n’Ishami ry’Umuryango w’Abibumbye ryita ku mpunzi (UNHCR) na Minisiteri ishinzwe impunzi mu Rwanda (MINEMA) igaragaza ko nibura ku munsi mu Rwanda hinjira impunzi zigera ku bantu 50 cyangwa bakarenga bahunze umutekano muke wo mu Burasirazuba bwa Congo.

Ikindi giteye inkeke hirya y’ubufasha ubutegetsi bwa Tshisekedi buha ubufasha FDLR, ni imvugo z’urwango zishyirwa imbere n’ ubu butegetsi ndetse n’ icyifuzo cyo gukuraho ubuyobozi Abanyarwanda bitoreye – ibintu biteza impungenge ko hashobora guba igisa nka Jenoside yakorewe Abatutsi mu Rwanda mu mwaka wa 1994.

Nyuma y’ imyaka 30, Jenoside yakorewe Abatutsi ibaye ntibikwiye ko amahanga afata ububi bwa FDLR nk’aho ntacyo butwaye. Byiyongereyeho, Amerika nikwiye gushyigikira cyangwa kureberera ubutegetsi bwa Tshisekedi bukomeje kuyishyigikira mu mugambi wayo mubisha.

Mutijima Vincent