December 7, 2022

Uruzinduko rwa Gen Muhoozi i Kigali rwatitije abambari ba RNC!

Abambari b’umutwe w’iterabwoba wa RNC bakomeje kugaragaza ko uruzinduko rwa Gen Muhoozi Kainerugaba mu Rwanda rwatumye babura ibitotsi kubera uburyo yiyemeje kubahashya muri Uganda; igihugu bari baragize indiri yabo.

Ni nyuma y’uko mu ntangiro z’uyu mwaka Gen Muhoozi, Umujyanama mukuru wa Perezida wa Uganda Yoweli Kaguta Museveni mu bijyanye n’igisirikare n’umutekano akaba n’umuhungu we w’imfura,  yihaningirije RNC by’umwihariko ikihebe Kayumba Nyamwasa ko atazabihanganira mu gukomeza gukoresha ubutaka bw’igihugu cye mu guhungabanya umutekano w’u Rwanda.

Mu gihunga cyinshi, abambari ba RNC barimo uwitwa Kayumba Rugema uzwi nka Gafirifiri, birukiye ku mbuga nkoranyambaga gukwirakwizaho igihuha ko hari abambari b’uyu mutwe bo bita ‘impunzi’ ngo bafatiwe muri Uganda maze barafungwa.

Ni mu gihe nyamara ibyo bintu bitigeze bibaho nk’uko amakuru yizewe agera kuri MY250TV abihamya.

Kuba kuri uyu munsi nta sisati y’ubuhunzi ikibaho ariko abantu nka Gafirifiri bagakoresha iryo jambo bihishura ko RNC igitsimbaraye kuri ya migambi yayo mibisha yo kwihisha mu mutaka w’ubuhunzi igamije guhungabanya umutekano w’u Rwanda.

Uyu Gafirifiri ntiyigeze yoroherwa n’imibereho mu gihugu cya Noruveje amaze iminsi yihishahishamo aho agahinda agatura imbuga nkoranyambaga maze agasebya  ubuyobozi bw’u Rwanda mu rwego rwo kuyobya uburari.

RNC n’abambari bayo bakwiye kumenya ko ibinyoma bacuruza bitazigera bibahira cyane ko nta wahemukiye u Rwanda n’Abanyarwanda ngo bimugwe amahoro.

Ellen Kampire

Leave a Reply

%d bloggers like this: