December 7, 2022

Akumiro: Umuhanzi Jean Paul Samputu yeruye ko ashaka ko mu Rwanda haba indi Jenoside

Umuhanzi Jean Paul Samputu wamaze kunywana n’interahamwe n’ibigarasha yongeye kumvikana avuga ko ngo abagize uruhare muri Jenoside yakorewe Abatutsi “bagomba kubabarirwa” bitakorwa “hakongera kubaho Jenoside”.

Ibyo Samputu udasiba kugaragaza ko arwanya Leta y’u Rwanda , yabivugiye mu kiganiro aherutse kugirana na Luise Uwacu na Mimi Kagabo, abahezanguni babiri b’abagore bahora babiba urwango mu banyarwanda ari nako bakwirakwiza ingengabitekerezo ya Jenoside.

Mu mvugo yatunguye benshi ariko ishimangira ko interahamwe zamaze koza mu bwoko Samputu, yarihandagaje avuga ko mu Rwanda “nta kubabarira guhari” ahubwo ngo “hari ukwihorera”, ibintu bitatangaje abumvise uyu mugabo cyane ko yamaze gukurikira buhumyi interahamwe.

Amagambo ya Samputu ntawe akwiye kurangaza cyangwa ayahe agaciro cyane ko ubumwe n’ubwiyunge hagati y’abakoze Jenoside n’abayikorewe bugaragarira buri wese; ibintu kandi bishimangirwa n’ubushakashatsi butandukanye.

Ibipimo by’ubumwe n’ubwiyunge mu Banyarwanda byerekana ko nko mu mwaka wa 2021 byari kuri 94,7% kivuye kuri 92,7% mu 2015 na 82% mu 2010 nk’uko bigaragazwa n’ubushakashatsi bwa Komisiyo y’Igihugu y’Ubumwe n’Ubwiyunge.

Abo Samputu asabira “kubabarirwa” ni interahamwe zatorokeye ubutabera hirya no hino ku Isi ari nazo zimukoresha, akaba adakwiye kwirengagiza ukuri guhari ko ko abagize uruhare muri Jenoside yakorewe Abatutsi bireze bakanemera icyaha babariwe aho ubu abenshi bari mu muryango nyarwanda aho bafatanaya n’abandi kubaka urwababyaye nyuma yo kurangiza ibihano byabo.

Ikindi cyumvikana mu mvugo za Samputu ni uko kimwe n’abandi bahezanguni b’abagome baba bagambiriye kugorera amateka, ashaka ko Jenoside yakorewe Abatutsi yibagirana burundu cyane ko yifuza ko habaho “kubabarira no kurekura ibyahise”.

Igitangaje ni uko Samputu uvuga aya magambo yarokotse Jenoside yakorewe Abatutsi, gusa kubera inda ye yasumbye amaboko agaragaza ko atigeze ababazwa n’ibyabaye cyane ko akomeje gukoresha Jenoside mu buryo bwo kwishakira amaramuko.

Nk’urugero birazwi neza ko atahwemye kwakira amafaranga y’abishe bene wabo maze  agatangariza ku maradiyo mpuzamahanga nka BBC “gahuzamiryango” na VOA ko yatanze imbabazi kandi ahubwo yarahawe udufaranga ngo agambane, ndetse akaba yarabipfuye cyane n’abavandimwe be barimo murumuna we Patrick Samputu.

Samputu akwiye kwegera abaganga b’indwara zo mu mutwe bakamurebera ko nta kibazo afite cyane ko akomeje kugaragaza ibimenyetso by’uburwayi abahanga bita ‘Stockholm Syndrome’ aho uburwaye ashimangiza abatamwifuriza ineza cyangwa abamugiriye nabi.

Mugenzi Félix

Leave a Reply

%d bloggers like this: