December 7, 2022

Akabaye icwende ntikoga: Abambari ba Kabuga bagaragaye mu myambaro n’indirimbo nk’ibyinterahamwe muri Jenoside

Abo mu muryango wa Kabuga Félicien n’inshuti zabo bagaragaye mu kiswe imyigaragambyo ngo igamije gufunguza uyu mujenosideri kabombo no kwerekana ngo ko “ari umwere”.

Iyi imyigaragambyo yitabiriwe n’abantu babarirwa ku mitwe y’intoki, yabereye imbere y’ishami ry’Urugereko rwasigariyeho Urukiko Mpuzamahanga Mpanabyaha rwashyiriweho u Rwanda, IRMCT, rikorera i La Haye mu Buholandi kuri uyu wa Kane tariki ya 24 Ugushyingo 2022.

Ni imyigaragambyo yari imaze icyumweru yamamazwa na Donatien Kabuga Nshimyumuremyi, umuhungu wa Kabuga aho yari afatanyije n’interahamwe zibumbiye mu ngirwashyaka ya FDU Inkingi.

Icyatangaje abantu ni uburyo abitabiriye iriya myigaragambyo baje bameze neza nk’uko interahamwe zabaga zimeze kuri za bariyeri mu gihe cya Jenoside yakorewe Abatutsi – Benshi muri izo nyangabirama bari bambaye ibikoti birebire, bavuza amafirimbi banaririmba indirimbo ziri mu mujyo w’izakoreshwaga n’interahamwe.

Imyitwarire y’aba bitwa ko bashyigikiye Kabuga ishimangira ko bagifite ibitekerezo nk’ibyo bari bafite mu myaka 28 ishize, gusa baribeshya cyane ko uwabatsinze (RPF-Inkotanyi) ntaho yagiye kandi ahora yiteguye guhagarika imigambi mibisha yabo.

Aba kandi bakwiye kumenya ko induru bavuza uko yaba ingana kose ntacyo ishobora kuzahindura ku mikirize y’urubanza rwa Kabuga cyane ko Isi yose izi neza uruhare rwe muri Jenoside yakorewe Abatutsi.

Mugenzi Félix

Leave a Reply

%d bloggers like this: