UEFA Champions league: Bayern Munich yasezereye PSG – Uko umukino wagenze
Ijoro ryakeye ryaguye nabi abakunzi ba Paris Saint Germain kuko iyi kipe yo mu Bufaransa ifitanye amasezerano n’u Rwanda yo kwamamaza ubukerarugendo (Visit Rwanda), yasezerewe mu mikino ihuza amakipe y’i Burayi yabaye aya mbere iwayo (UEFA Champions League).
PSG ifite abakinyi bakomeye nka Lionel Messi, Mbappe, Ramos n’abandi yatsinzwe ibitego 2 – 0 na Bayern Munich yo mu Budage yari yakiriye uyu mukino wabereye kuri Sitade yayo (Allianz Arena).
Umukino watangiye amakipe yombi asatirana ariko Bayern Munich niyo yari yihariye umupira nk’ikipe iri murugo, ibitego byayo byinjijwe na Eric Maxim Choupo-Moting ku munota wa 63 na Serge Gnabry ku monota wa 89.
Ku mukino wabanje Bayern Munich nabwo yari yatsinze PSG iyisanze iwayo igitego 1 – 0; bisobanuye ko PSG yasezerewe itsinzwe igiteranyo cy’ibitego 3 – 0.
Undi mukino wabaye AC Milan yo mu Butaliyani yasezereye Tottenham Hotspurs ku giteranyo cy’igitego 1 – 0 nyuma y’uko ikipe zombie zinganyije ubusa ku busa, ni mu gihe AC Milan yari yizigamiye igitego yatsinze mu mukino wabanje.
Karemera Jean Luc
About Author
