Interahamwe mu kinyoma cyo gutwerera nyirabuja Ingabire Victoire igihembo atigeze ahabwa – IBIMENYETSO
Ku mbuga nkoranyambaga interahamwe n’abajenosideri basizoye aho bari kubyina intsinzi ishingiye ku kinyoma cy’igihembo mpuzamahanga bita ko cyahawe umuhezanguni Ingabire Victoire Umuhoza bafata nk’umucunguzi wabo, mu gihe nyamara atigeze agihabwa.
Ni igihembo gihabwa impirimbanyi mu guharanira ubwisanzure gitangwa n’Umuryango ‘Liberal International’ ukorera mu Bwongereza, kuva cyatangira gutangwa mu mwaka wa 1984 cyahawe abarimo Olesugun Obasanjo wayoboye Nigeria, Abdoulaye Wade wayoboye Senegale, Volodymyr Zelenskyy uyobora Ukraine n’abandi.
By’umwihariko uyu mwaka iki gihembo cyatangiwe i Santiago muri Chile mu nteko rusange y’uriya muryango aho cyahawe María Corina Machado wabaye umudepite mu Nteko ishinga Amategeko ya Venezuela ndetse n’ishyaka ryitwa ‘Vente Venezuela’ naryo rikorera muri Venezuela.
Gusa interahamwe mu muvuno wazo ushaje wo gusimbukira ku cyije cyose zihutiye kuva mu myobo zisanzwe zihishamo hirya no hino ku Isi zizana ikinyoma ko kiriya gihembo cyahawe nyirabuja Ingabire mu gihe by’umwihariko abategura ibya kiriya gihembo batanazi uyu muhezanguni wihebeye amacakubiri, ivangura n’iterabwoba.
Abasesenguzi baganire na MY250TV kuri iyi ngingo bahurije ku gushimangira ko umuhezanguni Ingabire nta cyo ari cyo cyatuma hari umuntu muzima umutaho umwanya cyane ko afite ubusembwa budateze kumuvaho nk’umuntu uhora ugambiriye gucamo ibice abantu by’umwihariko agamije gusubukuru Jenoside yakorewe Abatutsi kandi Isi yose yarayikuyemo amasomo akomeye.
Interahamwe n’abajenosideri baticuza kuba barwatwaye ubuzima bw’inzirakarengane zirenga miliyoni muri Jenoside, bakwiye kuzirikana ko buri uko uko bacuze ikinyoma kigamije kugira Ingabire wabo igitangaza ariko barushaho gushyira ku karubanda imigambi yabo mibisha bafitiye u Rwanda n’Abanyarwanda.
Bakwiye kandi kumenya ko gufata Ingabire Victoire bakamugira igitangaza bidateze kumukuraho icyasha cy’uko ari umugore w’umugome, umuhezanguni wanywanye n’ikibi ku buryo ahubwo aho guhabwa ibyo bicupuri by’ibihembo akwiye gusubizwa muri gereza akongera akitekerezaho neza.
Kuba Interahamwe n’abajenosideri bose bahagurutswa no gukwirakwiza ikinyoma cyambaye ubusa nka kiriya si ikindi, ni ikimenyetso gishimangira igihango gikomeye afitanye nabo cyo guhora iteka aharanira kubatagatifuza, ariko arishuka cyane kuko imigambi mibisha ahuriyeho nabo izajya ihora imupfubana ntacyo irafata.
Ndayambaje Marc
About Author
