December 7, 2022

Perezida Kagame yahuye na Jimmy Gatete, Lilian Thuram n’abandi bakanyujijeho muri ruhago – AMAFOTO

Perezida Paul Kagame ku mugoroba wo kuri uyu wa Kane tariki ya 13 Ukwakira 2022 yahuye n’abakinnyi bakanyujijeho mu mupira w’amaguru bari mu Rwanda ahazabera Igikombe cy’Isi cy’abakinnyi bahoze bakomeye muri Gicurasi 2024.

Abo bakinnyi bahuye na Perezida Kagame barimo umunyarwanda Jimmy Gatete, Umufaransa Lilian Thuram, Umunya-Cameroun Roger Milla, Khalilou Fadiga wahoze akinira Sénégal, Patrick Mboma na we ukomoka muri Cameroun, n’Umunya-Ghana Anthony Baffoe.

Aba bakinnyi  urugendo rwabo ruzanyura mu mijyi 11 bamenyekanisha igikombe cy’Isi cy’abakanyujijeho, ndetse no kurushaho gushyigikira no gushishikariza abana bakiri bato kuzaba abakinnyi babigize umwuga haba mu kibuga ndetse no hanze yacyo.

Ku wa Gatatu tariki 12 Ukwakira 2022 nibwo mu Mujyi wa Kigali hatangirijwe gahunda yo kwitegura Igikombe cy’Isi cy’abakanyujijeho mu gikorwa cyiswe “Legends in Rwanda”.

Igikombe cy’Isi cy’abakanyujijeho (Veteran Clubs World Championship – VCWC) ni ubwa mbere kizaba kibereye ku mugabane wa Afurika.

Kuba umukuru w’igihugu abonera umwanya abakanyujijeho muri ruhago ni ikindi kimenyetso ko aha agaciro siporo cyane ko akunze kugaragaza ko “siporo ari umwarimu wigisha indagagciro, kwiyoroshya, gukorera hamwe no kwicisha bugufi.”

Amafoto: Village Urugwiro

Ubwanditsi

Leave a Reply

%d bloggers like this: